Ողջույն,…

Image

Ողջույն, ես Լիանա Հայրապետյանն են, սովորում եմ Երևանի Վ. Բրյուսովի անվան պետական լեզվաբանական համալսարանում:  Հունիսի 16-ից հուլիսի 1-ը  ընկած ժամանակահատվածում մասնակցել եմ Բուլղարիայի մայրաքաղաղ Սոֆիայում կայացած երիտասարդների փոխանակման ծրագրին: Ծրագիրը կրում էր հետևյալ վերնագիրը <<Crossing Borders between Arts and Generation>>: Ծրագրին մասնակցում էին 32 երիտասարդներ 5 տարբեր երկրներից (Հայաստան, Ուկրաինա, Բուլղարիա, Չեխիա, Իսպանիա ):  Հայաստանի վեց մասնակիցներից մեկն էի: Ես մասնակցեցի այս ծրագրին մեր համալսարանում գործող Շրջանավարտների միավորման և Կարիերայի կենտրոնի օգնությամբ:

 

Ծրագրի նպատակն էր միավորել տարբեր սերնդի ներկայացուցիչներին արվեստի միջոցով:

 

Այս օրերի ընթացքում բոլոր մասնակիցներս  ապրում էինք Սոֆիայի հանգստյան տներից մեկում : Ամեն առավոտ ժամը 8:00- 9:00 նախաճաշում էինք: Այնուհետև  զվարճալի խաղեր էինք խաղում, մրցումներ կազմակերպում : Ժամը 13:00-14:00 ճաշում էինք: Ճաշից հետո սկսվում էր օրվա գործնական մասը: Գործնական մասը հետևյալն էր. մասնակիցներս բաժանվել էինք երեք խմբերի`թատերական խմբակ,PR խումբ և Fire-show-ի խումբ: Յուրաքանչյուրս մեր խմբում ունեինք մեր առաջադրանքը: Երեք խմբերի մասնակիցներս էլ մեր աշխատանքի վերջնական արդյունքը հնարավորություն ունեցանք ներկայացնելու հանրությանը ծրագրի ավարտի նախավերջին օրը: Մենք ելույթ ունեցանք Սոֆիայի մշակույթի տանը, որտեղ հյուրերի մեծ մասը մեծահասակներ էին:

 

Մեզ նաև հնարավորություն ընձեռնվեց  հանդիպումներ ունենալ Բուլղարիայի  վաստակավոր դերասանների հետ:

 

Ժամը 18։30 մենք ամփոփում էինք օրը: Ժամը 19:00-ին ընթրում էինք: Ժամը 20.00-ից մինչև 22:00 մեր ազատ ժամանակն էր: Ազատ ժամանակ կազմակերպում էինք խաղեր, հետաքրքիր երեկոներ: Բավականին հետաքրքիր  և գեղեցիկ էին մշակութային երեկոները, որի ընթացքում ամեն երկիր ներկայացնում էր իր մշակույթը, պատմությունը և տալիս իրենց երկրի ընդհանուր բնութագիրը: Յուրաքանչյուր երկիր բերում էր իր ազգային ուտելիքները, խմիչքները, քաղցրեղեն: Հետաքրքիր էին նաև ֆուտբոլային երեկոները:

 

Հնարավորություն ունեցանք երկու օր շրջել Սոֆիայում և մեկ օր շրջեցինք Բուլղարիայի Սոպոտ փոքրիկ քաղաքում: Ամեն ինչ հրաշալի էր:

 

Հիանալի և անմոռանալի օրեր, որոնք միշտ կմնան հիշողությանս մեջ: Շնորհակալություն……….

 

 

 

 

 

 

 

Աշխատանքի առաջարկներ Սաս Գրուպում

«ՍԱՍ Գրուպ» ընկերությանը անհրաժեշտ են մասնագիտական կարողություններով և հմտություններով օժտված մասնագետներ: Մասնագիտությունը, աշխատանքի նկարագիրը, աշխատանքային պարտականություններն ու պահանջվող որակավորումը մանրամասնորեն կարդացեք հաջորդիվ ներկայացվող տեղեկատվության մեջ:

Մարդկային ռեսուրսների մասնագետ

Աշխատանքի նկարագիր՝ «ՍԱՍ Գրուպ» ընկերությանը անհրաժեշտ է մարդկային ռեսուրսների մասնագետ՝ կադրային գործընթացների իրականացման, աշխատանքային պայմանագրերի և համաձայնագրերի կնքման, աշխատավարձերի վճարման ժամանակացույցի վերահսկման համար:
Աշխատանքային պարտականություններ՝
• Ղեկավարել կադրային ռեզերվների պատրաստումը:

• Մասնակցել ընկերության կազմակերպական կառուցվածքի և հաստիքացուցակի մշակմանը:

• Ձևակերպել աշխատավարձերի և բոնուսների տարեկան գրաֆիկ:

• Վարել հարցազրույցներ և իրականացնել կադրերի ընտրություն՝ աշխատողների հավաքագրման նպատակով:
• Կազմել և ձևակերպել աշխատանքային պայմանագրեր և համաձայնագրեր, վարել աշխատողների անձնական գործերը և կադրային այլ փաստաթղթեր:
• Կազմել հաշվետվություններ կադրերի ընդունման, տեղափոխման վերաբերյալ:

• Ղեկավարության քննարկմանը ներկայացնել հարցեր, որոնք վերաբերում են անձնակազմի կառավարման հետ կապված գործունեության բարելավմանը:
Պահանջվող որակավորում՝

• ՀՀ աշխատանքային օրենսգրքի իմացություն:
• Աշխատավարձերի վճարման ձևերի ու համակարգերի, կադրային փաստաթղթերի վարման ստանդարտների իմացություն:

• Ռուսերենի և անգլերենի իմացություն:

• Բարձրագույն կրթություն. անհրաժեշտ է ունենալ առնվազն բակալավրի աստիճան հասարակական գիտությունների (սոցիոլոգիա, հոգեբանություն, քաղաքագիտություն, հանրային կառավարում, մարդկային ռեսուրսների կառավարում) կամ բիզնեսի կառավարման ոլորտում:

Հետաքրքրվող թեկնածուները կարող են ուղարկել իրենց ինքնակենսագրականները հետևյալ հասցեին՝ career@sasgroup.am` թեմատիկ տողում նշելով «HR մասնագետ»:

Սուպերմարկետի մենեջեր

Աշխատանքի նկարագիր` «ՍԱՍ Գրուպ»-ին անհրաժեշտ է վաճառքի գծով իգական սեռի մենեջեր՝ կարգուկանոնի պահպանման, սրահի գործընթացների ու աշխատակիցների կատարողականության վերահսկման hամար:
Պարտականություններ`
• Ղեկավարել ու գնահատել ենթակա աշխատակիցներին:
• Կազմակերպել աշխատանքային ժամանակացույցը:
• Օպտիմալ կերպով լուծել աշխատանքային գործընթացում ծագած բոլոր խնդիրները:
• Հետևել խանութի կարգուկանոնին, ապրանքների դասավորվածությանը, սրահի մաքրությանը:
• Ապահովել աշխատողների կողմից իրականացվող բարձրակարգ սպասարկման որակ:

• Ապահովել աշխատակիցների իրազեկությունն անվտանգության կանոններին:

• Կոորդինացնել և ղեկավարել սրահի բոլոր օպերատիվ հարցերը:
• Վերահսկել սրահի բոլոր աշխատողների կողմից իրենց պարտականությունների կատարումը:
Պահանջվող որակավորումներ`

• Ռուսերենի և անգլերենի իմացություն:

• Տարբեր մակարդակի անձանց հետ շփման և կոնֆլիկտային իրավիճակների կարգավորման ունակություն:
• Ճկունություն, արագ կողմնորոշվելու ունակություն:
• Հաճելի արտաքին:
Լրացուցիչ նշումներ՝ Աշխատանքային ժամերը հերթափոխով՝ 09:00 – 17:00, 17:00 – 01:00:

Հետաքրքրվող թեկնածուները կարող են ուղարկել իրենց ռեզյումեները կցված լուսանկարով` հետևյալ հասցեին՝ career@sasgroup.am՝ նշելով «մենեջեր» թեմատիկ տողում:
Ադմինիստրատիվ օգնական

Աշխատանքի նկարագիր՝ «ՍԱՍ Գրուպ» ընկերությանը անհրաժեշտ է ադմինիստրատիվ օգնական՝ վարչարարական և գրասենյակային աշխատանքների իրականացման համար:
Աշխատանքային պարտականություններ՝

• Պատրաստել հաշվետվություններ և այլ անհրաժեշտ գրություններ:
• Ապահովել նամակագրական հաղորդակցություն:
• Կազմակերպել և կոորդինացնել ժողովներ և կոնֆերանսներ:
• Կազմել արձանագրություններ:

• Կազմակերպել և ֆիքսել գործնական հանդիպումներ:
• Կազմակերպել ներքին և արտաքին միջոցառումներ:
• Մշակել փաստաթղթերի դասակարգման և արխիվացման համակարգ:

• Մշակել աշխատանքային ընթացակարգեր:
• Պահպանել տվյալների բազա:

• Ապահովել գրավոր և բանավոր հաղորդակցություն:
• Ապահովել կապ ընկերության ներքին և արտաքին ստորաբաժանումների միջև:

• Ապահովել գրասենյակային անհրաժեշտ պարագաների տրամադրում:
Պահանջվող որակավորում՝

• Ադմինիստրատիվ և գրասենյակային աշխատանքների տիրապետում:
• Անգլերենի և ռուսերենի գերազանց իմացություն:
• Համակարգչային գիտելիքներ:

• Բարձրագույն կրթություն:

Մարքեթինգի և գնումների մենեջեր

Աշխատանքի նկարագիր՝ «ՍԱՍ Գրուպ» ընկերությանն անհրաժեշտ է մարքեթինգի և գնումների ղեկավար՝ մանրածախ առևտրի ցանցում վաճառվող ապրանքատեսակների ընտրության և առևտրի պլանավորման համար:

Աշխատանքային պարտականություններ՝
• Իրականացնել շուկայի ուսումնասիրություն և վերլուծություն՝ պարզելու առկա ապրանքատեսականին և գնառաջարկները:

• Պատրաստել շուկայական պայմանների և ապրանքային ծախսերի վերաբերյալ հաշվետվություններ:
• Վերանայել գնման կարգերը և պայմանագրերը՝ ըստ ընկերության գործող քաղաքականության:
• Մշակել գնումների իրականացման և գնի վերահսկման քաղաքականություններ և ընթացակարգեր:
• Գրանցել ձեռք բերված, մատուցված և պատվիրված ապրանքները:
• Ձևակերպել, ղեկավարել և համակարգել ապրանքների պրոմո-խորհրդատվությանն ուղղված շուկայավարական գործառույթները և ռազմավարությունը:
• Մշակել գնային քաղաքականություն:
• Պարբերաբար վերանայել կատարողականության չափանիշերը, օրինակ՝ գործող վաճառքի և զեղչային համակարգերը:
• Պահպանել կապեր մատակարարների հետ և ձեռք բերել համագործակցության եզրեր նոր մատակարար ընկերությունների հետ:
• Վերլուծել առևտրի օրինաչափությունները և կանխատեսել հետագա թրենդների զարգացումը:
• Համագործակցել խանութների անձնակազմի հետ՝ ապրանքների/հավաքածուների մատակարարման պահանջներին ընդառաջելու համար:
• Ներկայացնել նոր ապրանքատեսականին:
Պահանջվող որակավորում՝
• Բարձրագույն կրթություն մարքեթինգի կամ բիզնես ոլորտում:
• Առնվազն 3 տարվա փորձ առևտրի կամ մարքեթինգի ասպարեզում:
• Գնման կարգերի իմացություն:
• Ղեկավարման ձիրք, շուկայի վերլուծության մեխանիզմների տիրապետում, բանակցելու և հաղորդակցման հմտություններ:
• Աշխատանքային արդյունավետ հարաբերությունների ստեղծման և պահպանման ունակություն:
Հետաքրքրվող թեկնածուները կարող են ուղարկել իրենց ինքնակենսագրականները հետևյալ հասցեին՝ career@sasgroup.am` թեմատիկ տողում նշելով «Մարքեթինգի և գնումների մենեջեր»: Դիմելու վերջնաժամկետը հուլիսի 31-ն է:

Ողջույն,…

Image

Ողջույն, ես Նազան Նասլյանն եմ, սովորում եմ Երևանի Վ. Բրյուսովի անվան պետական լեզվաբանական համալսարանում: Ես մասնակցել եմ հունիսի 13-ից 21-ը Վրաստանի Քոբուլետի քաղաքում կայացած երիտասարդների փոխանակման ծրագրին: Երիտասարդների փոխանակման ծրագիրը «Երիտասարդները շարժման մեջ» նախագծի միայն մի մասն է: Ես Հայաստանի չորս մասնակիցներից մեկն էի: Ես մասնակցեցի այս ծրագրին մեր համալսարանում գործող Շրջանավարտների միավորման և Կարիերայի կենտրոնի օգնությամբ և «Այրուձի» հասարակական կազմակեպության աջակցությամբ:

 

Այս փոխանակման ծրագրին մասնակցում էին 40 երիտասարդ 8 երկրներից` Վրաստան, Հայաստան, Ադրբեջան, Լեհաստան, Ռուսաստան, Էստոնիա, Լատվիա, Իսպանիա: Թեման` «Խաղաղություն-կամավորություն և ստեղծագործություն»: Այս ինը օրերի ընթացքում մենք` բոլոր մասնակիցներս, ապրում էինք Քոբուլեթիի հյուրանոցներից մեկում: Ամեն առավոտ ժամը 9:00 նախաճաշում էինք: Այնուհետև թարմանալու և արթնանալու համար թեթև ու զվարճալի խաղեր էինք խաղում լողափին կամ կոնֆերանս դահլիճում: Հետո թիմերի ղեկավարներից մի քանիսը տարբեր թեմաներ ներկայացրին, հետաքրքիր ու ինտելեկտուալ խաղեր էինք խաղում, որոնց օգնությամբ տեղեկանում էինք մյուս երկրների ու նրանցում առկա խնդիրների մասին: Մոտավորապես ժամը 13:00-ին ընմիջում էինք անում, այնուհետև շարունակում էինք որպես կանոն մեր թեժ քննարկումները: Ժամը երկուսին ճաշում էինք: Ճաշից հետո սկսվում էր օրվա գործնական մասը: Դա կարող էր լինել շրջայց քաղաքում և որոշ առաջադրանքների կատարում, ափերի մաքրում, քանի որ մենք կամավորներ էինք և դա էլ կամավորության արտահայտման մի ձև է: Ժամը 18։30 մենք ամփոփում էինք օրը: Ժամը 19:00-ին ընթրում էինք  և մինչև 21:30 ազատ ժամանակ ունեինք: Ամեն օր 21:30-ին ունենում էինք մշակութային երեկոներ, որի ընթացքում ամեն օր երկու երկիր ներկայացնում էին իրենց մշակույթը, պատմությունը և տալիս իրենց երկրի ընդհանուր բնութագիրը: Յուրաքանչյուր երկիր բերում էր իր ազգային ուտելիքները, խմիչքները, քաղցրեղեն: Այնուհետև համտեսում էինք ու ազատ ժամանակ ունեինք, երբեմն խաղեր էինք խաղում, երբեմն էլ գնում էինք ծովափ` խարույկ վառում, զրուցում: Բացի խաղերից ունեինք նաև «բանմասանք»-ի մաս, ամեն օր ընտրում էինք մեկին, ով ամբողջ օրվա ընթացքում բանբասանքներ էր հավաքում և դրանք կարդում երեկոյան: Ունեինք նաև գաղտնի ընկերներ, և մենք էլ մեր հերթին ուրիշների գաղտնի ընկերներն էինք: Նվերներ էինք անում մեր գաղտնի ընկերների համար, որոնք դնում էինք կոնֆերանս դահլիճի պատին ամրացված ծրարների մեջ: Նաև ֆլեշմոբ արեցինք Բաթումիում. այն է «անվճար գրկախառնություն», նաև պատրաստել էինք երկար թուղթ, որտեղ մարդիկ գրում էին իրենց պատկերացումները խաղաղության մասին: Մենք բաժանված էինք խմբերի խաղաղության մասին մանիֆեստացիա անելու համար, այն է կարճ հոլովակներ: Յուրաքանչյուր թիմ ազատ էի իր որոշման մեջ, նա պետք է որոշեր ինչ անել կամ ինչպես անել: Հնարավորություն ունեցանք մեկ օր անցկացնել Քութաիսի քաղաքում, որոշ ազատ ժամանակ Բաթումիում և մեկնման օրը հնարավություն եղավ շրջել նաև Թբիլիսիում:

 

 Hello, I am N…

Image

 

Hello, I am Nazan Naslian. I study at Yerevan State Linguistic University after V. Brusov (YSLU). I took part in Youth Exchange held in 13.06.2012- 21.06.2012 in Kobuleti, Georgia.  Youth Exchange is one part of “Youth in Action” project. I was one of four participants fromArmenia. I took part in that YE with the help of Graduates Association and Career Centre of my University (YSLU) and Ayrudzy NGO.

 

 

 

In this Youth Exchange participated 40 volunteers Georgia, Azerbeijan, Poland, Armenia, Latvia, Estonia, Spain and Russia. The topic was “Peace-volunteering and Creativity”. During these days we meaning to say all participants lived in one hotel together. Every morning at 9:00 we had our breakfast and then played energizing games, name games, ice-breaking games at the conference hall or at the beach. Then we had many types of presentations, many interesting and intellectual games, which helped us to learn about other countries, about the problems in other countries. Over one o’clock we had coffee break and continue out as usual hot discussions. At 2:00 o’clock we had our lunch. After lunch, we pass to our practical part of the day. It could be city racing, cleaning the beach because we were volunteers and that is one way to express it. At half past six we evaluate the day and at 7:00 we had our dinner and until 9:30 we had free time. Every day at 9:30, we had cultural evenings of two countries. Those countries spoke about their history, population and give the picture of their country; also, each country brought national dishes, sweets, drinks. After all, we have tasted those and we are free. Sometimes we played some games, or went to the beach ad made fire, talk, enjoy the evening. Besides these games, we also had gossip part. For one day, we choose one gossip-girl or boy who collect gossips all day long and speak out in the evenings. We also had secret friends, and we ourselves were secret friends for others. We prepare gifts for our secret friends; we put our gifts in envelopes fixed on the wall of conference hall. We also had done flash mob inBatumithat was free hugs; we also took one very long paper where people wrote about peace. We were divided into groups for manifestation about peace. Each group should decide what to do, or how to do. We were to make short videos about peace. We also had chance to spent one day inKutaisi. After our flash mob we had free time to walk roundBatumi. The last day before departure we had the chance to seeTbilisi.  

Աշխատանքի առաջարկ Գիդ էքսկուրսավար

Required position:

Գիդ էքսկուրսավար / տուրիզմի համակարգող

Organization:

Toto International Bookmakers

Industry:

Other

Location:

Սասունիկ, Արագածոտնի մարզ

Duration:

Երկարաժամկետ

Job description:

«Արմենիա Վայն» Գործարան ՍՊԸ-ում աշխատելու համար անհրաժեշտ է Գիդ էքսկուրսավար / տուրիզմի համակարգող:

Job responsibilities:

Աշխատանքային պարտականություններն են՝
–Կազմակերպել և համակարգել հյուրերի և զբոսաշրջիկների այցելությունները գործարան:
– Համագործակցել տուրիստական ընկերությունների հետ` առաջարկելով այցելության փաթեթներ:

Required qualification:

Պահանջվող որակավորում՝
– Բարձրագույն կրթություն, մագիստրոսի որակավորում:
– Պարտադիր աշխատանքային փորձ տվյալ ոլորտում:
– Հայերեն, անգլերեն, ֆրանսերեն և ռուսերեն լեզուների գերազանց իմացություն:
– Համակարգչից օգտվելու գերազանց հմտություններ:
– Պատասխանատվությոն բարձր զգացում:
– Ներկայացուցչական անթերի արտաքին:
Ինքնակենսագրությունն ուղարկել հայերեն լեզվով` lilit.amiraghyan@totobet.am
Վերնագրում նշել այն պաշտոնը, որի համար դիմում եք: Դիմելու վերջնաժամկետը՝ 30 ապրիլի 2012թ.:

Contact person:

Lilit Amiraghyan

 

Աշխատանքի առաջարկ Ֆրանսերենի մասնագետ

<<Ֆորմասիոն ինտենսիվ>>  ֆրանսերեն և անգլերեն լեզուների ուսուցման մասնագիտացված կենտրոնին անհրաժեշտ են գիտելիքների բարձր մակարդակ ունեցող ֆրանսերեն  լեզվի մասնագետներ:

 

Մանրամասների համար խնդրում ենք զանգահարել  54 72 85

կամ այցելել մեզ հետևյալ հասցեով`

 

Տիգրան Մեծի 4, հինգերորդ հարկ:

«Ժանիք» ֆիլմի ցուցադրություն

Հարգելի՛ Ուսանողներ և Գործընկերներ,

Ապրիլի 30-ին ժամը 14։00ին ԵՊԼՀ գրադարանի մասնաշենքի 3-րդ հարկի նիստերի դահլիճում «Ոսկե ծիրան» միջազգային կինոփառատոնի շրջանակներում անց է կացվելու «Ժանիք» ֆիլմի ցուցադրությունը։

 

Հունաստան, 2009թ., 94 րոպե

Ռեժիսոր՝ Գիորգիս Լանթիմոս

Երեք պատանիներ մեկուսացված են մի ագարակում, որը կարծես մի ուրիշ մոլորակ լինի։ Այս եռյակը իր ժամանակը անց է կացնում լսելով տնային պայմաններում ձայնագրված ժապավեններ, որոնց միջոցով նրանք նոր բառեր են սովորում։ Անծանոթ բառերը, որոնք չեն օգտագործվում իրենց ընտանիքում, միանգամից ստանում են նոր իմաստ։ Հետևաբար, մեծ բազկաթոռը նրանք անվանում են «ծով», իսկ դեղին փոքր ծաղիկները՝ «զոմբիներ»։ Պատանիների հայրը ընտանիքի միակ անդամն է, որը կարող է դուրս գալ տնային կալանքից և վաստակում է ընտանիքի ապրուստը՝ կառավարելով ագարակի մոտ գտնվող գործարանը։ Իսկ միակ օտարը, ով կարող է մտնել ագարակ նրա աշխատակցուհի՝ Քրիստինեն է, որին հայրը վճարում է տղայի սեռական պահանջները բավարարելու համար։ Հոգնելով պարտադրված հարաբերություններից՝ Քրիստինեն խաթարում է ընտանեկան անդորրը։

Բնագրի լեզուն՝ հունարեն, ենթագրերը՝ անգլերեն    

Աշխատանքի առաջարկ

«Շաբեր» գիտաարտադրական ընկերությանը անհրաժեշտ է մենեջր անգլերեն և ռուսերեն իմացությամբ։ Մանրամասն տեղեկությունների համար դիմել 091411408 հեռախոսահամարով։

Գրքահավաք Քաշաթաղի դպրոցների համար

Հարգելի´ ընկերներ,

Տեղեկացնում ենք ձեզ, որ կազմակերպվել է գրքահավաք Քաշաթաղի դպրոցների գրադարանները ներքոնշյալ ցանկի գրքերով համալրելու համար։

Գրքերը ցանկալի է լինեն հայալեզու (թեև կարող են լինել նաև ռուսերեն ու անգլերեն) և դպրոցական երեխաների համար մատչելի գրված: Առավել անհրաժեշտ գրականությունը հետևյալն է՝

1. Հայ և ռուս դասական հեղինակներ,

2. Հայկական հեքիաթներ,

3. Բառարաններ (հայերեն-ռուսերեն, հայերեն-անգլերեն և հակառակը) և հանրագիտարաններ,

4. «Հետաքրքրաշարժ հանրագիտարան: Ֆիզիկան մեր շրջապատում»

5. Արկածային գրականություն,

6. «Сто великих»,

7. Լեո «Երկերի ժողովածու» հ. 1-9, Հայրենագիտական մատենաշար:

Եթե այս ցանկում նշված և ոչ մի գրականություն չունեք, բայց ցանկանում եք Ձեր մասնակցությունն ունենալ այս նախաձեռնությանը և ունեք գումար, ապա կարող եք այդ գումարով գնել որևէ գիրք, որը վերաբերում է վերոնշյալ ցանկին:

Գրքահավաքը կանցկացվի մինչև մայիսի 10-ը: Խնդրում ենք գրքերը բերել ԵՊԼՀ Կարիերայի կենտրոն (Գրադարանի մասնաշենք, 3-րդ հարկ)։

Կանխավ շնորհակալություն։

 

Կրթաթոշակների մրցույթ Հայ Կրթական Հիմնարկության կողմից

Հայ Կրթական Հիմնարկությունը հայտարարում է կրթաթոշակների մրցույթ 2012-2013թթ. ուսումնական տարվա համար: Կրթաթոշակները տրամադրվում են տվյալ ուսումնական տարվա վարձավճարի չափով` խրախուսելու և նպաստելու բարձր առաջադիմությամբ և միևնույն ժամանակ ֆինանսական անբարենպաստ պայմաններում գտնվող ուսանողներին:

Մրցույթին կարող են մասնակցել ՀՀ պետական ԲՈՒՀ-երի վճարովի համակարգում սովորող 2-րդ և բարձր կուրսերի ուսանողներ: Բացառություն են կազմում այն ուսանողները, որոնց մասնագիտությունն ըստ ՀՀ Կառավարության ՀՀ ԲՈՒՀ-երի առկա ուսուցման 2012/2013 ուսումնական տարվա մասնագիտությունների և ընդունելության քննությունների հաստատած ցանկի համապատասխան կոդավորման դուրս է մանցել ՀԿՀ կրթաթոշակային ծրագրի մասագիտությունների ցանկից։ Տես` http://www.aefweb.org/scholarships/?page_id=244

Կրթաթոշակները կտրամադրվեն ՀՀ քաղաքացիներին, ինչպես նաև Արցախում և Ջավախքում բնակվող ազգությամբ հայ այն ուսանողներին, ում ակադեմիական միջին նիշը առնվազն 3.7, 15 կամ 74 միավոր է։ Մրցույթին մասնակցելու համար անհրաժեշտ է լրացնել Կրթաթոշակի հայտը / որը կարող եք ներբեռնել կայքէջի այս մասից, և 2012 հունիսի 4-իցմինչևհուլիսի 20-ը ներկայացնել ՀԿՀ Հայաստանյան գրասենյակ (Մաշտոցի 13, ք. Երևան)։

Մանրամասն պարզաբանումների համար խնդրում ենք դիմել Արմինե Հարոյանին հետևյալ հեռախոսահամարով՝ յուրաքանչյուր օրվա առավոտյան 09:00-ից մինչև 12:00-ը (374 10) 53-14-85 կամ գրել armineharoyan@gmail.com էլեկտրոնային փոստով:

Mor info: http://jobs.armyouth.am/missioneast/

 

Subsribe: http://armyouth.am/subscribe/

Find us also on facebook: https://www.facebook.com/ArmYouth